Kæru félagar

Í ljósi þeirra takmarkana eru í gildi hefur stjórn Loga ákveðið að fresta aðalfundi Loga um óákveðinn tíma. Þegar að takmörkunum hefur verið aflýst munum við auglýsa aðalfund.

Stjórn Loga

Auglýst er eftir umsóknum í Hæfileikamótun LH á fyrir árið 2021 fyrir unglinga á aldrinum 14-17 ára (unglingaflokkur).

Hæfileikamótun LH er fyrir unga og metnaðarfulla knapa sem hafa áhuga á bæta sig og hestinn sinn. Í þjálfuninni er lögð áhersla á að bæta og auka skilning á líkamsbeitingu knapa og samspili knapa og hests ásamt því að farið verður í hugræna þætti eins og markmiðasetningu, sjálfstraust og hugarfar. Hæfileikamótun er góður undirbúningur fyrir knapa sem hafa að markmiði að komast í U-21árs landslið í hestaíþróttum þegar þeir hafa aldur til. Hópar verða starfræktir um um allt land til þess að ungir knapar víðsvegar um landið fái tækifæri til að taka þátt.

Fyrirkomulag er eftirfarandi:

• Hópar verða starfræktir; á höfuðborgarsvæðinu, Vesturlandi, Skagafirði, Eyjafirði, Austurlandi og Suðurlandi. Við hvetjum knapa til að sækja um á þeim stað sem þeim hentar best.
• Kennsla fer fram einu sinni í mánuði frá janúar til maí (7x45mín einkatímar). Í maí verður vinna vetrarins færð yfir á keppnisvöllinn.
• Hugræn vinna með þjálfara þar sem farið verður í markmiðasetningu, líkamsbeitingu knapa, hugarfar og sjálfstraust.
• Fyrirlestrar frá aðilum úr íþróttahreyfingunni.
• Að hausti hittast allir þátttakendur án hests í hópefli og fræðslu. 

Þjálfarar í Hæfileikamótun LH 2021

• Höfuðborgarsvæðið - Hanna Rún Ingibergsdóttir og Gústaf Ásgeir Hinriksson
• Vesturland - Randi Holaker
• Norðurland - Fanney Dögg Indriðadóttir (Akureyri) og Þorsteinn Björnsson (Skagafirði)
• Austurland - Vilfríður Fannberg Sæþórsdóttir
• Suðurland - Sigvaldi Lárus Guðmundsson, sem einnig er yfirþjálfari Hæfileikamótunar LH

Kostnaður knapa er 100.000 kr. fyrir árið.

Umsóknum skal skilað á sérstöku umsóknarblaði á vefsíðu LH. Æskilegt er að senda inn yfirlit keppnisárangurs og tengil í videóupptöku af knapa á youtube eða öðrum miðlum.

Umsóknarfrestur er til 13. desember 2020 

Æskulýðsnefndir Loga og Smára hafa gefið út árskýrslu fyrir árið 2020

Árskýrsluna er að finna undir flipanum skrár/skýrslur hér að ofan

Frá Reiðhöllinni á Flúðum

Stefnt er að því að halda Uppsveitadeildina í vetur ef allt gengur vel og ekki verða takmarkanir í gangi.

Dagsetningarnar verða:

19. febrúar fjórgangur

26. mars fimmgangur

16. apríl tölt og skeið

Skráning hefst 1 desember og líkur 31 desember. Ekki verður tekið við skráningum fyrir 1 desember.

Skráning sendist á uppsveitadeild@gmail.com

Einstaklingur ber ábyrgð á skráningu sinni.

Aldurstakmark keppenda miðast við ungmennaflokk eins og hann er skilgreindur í lögum LH eða 18 ára.

Deildin er opin og eru 35 sæti í boði.

Með kveðju

Framkvæmdanefndin